5 wanted arestado

BULACAN, Philippines – Bumagsak na sa kamay ng mga awtoridad ang limang lalaki na pawang pinaghahanap ng batas at may nakabimbing kasong kriminal sa iba’t ibang hukuman matapos na ipatupad ng pulisya ang Oplan Lambat/Sibat sa magkakahiwalay na lugar sa lalawigan.

Base sa ulat, unang naaresto ang mga suspek na sina Enrique Octavio, 40, ng Brgy. San Martin 4, San Jose Del Monte City at No. 3 sa top ten drug personalities at No.1 na si Jay-Jay Palomo, 35, ng Brgy. San Agustin, San Miguel. Naaresto rin ni P/Supt. Rodolfo Henandez ang suspek na si William Flores, 40, ng Brgy. Poblacion, Sta. Maria sa mga kasong pag­labag sa R.A. 9165 base sa bisa ng warrant of arrest na pawang inisyu ni Judge Albert Fonacier ng Regional Trial Court (RTC) Branch 76 sa Malolos City.

Naaresto rin ang tinaguraing No.1 most wanted person na si Razel Borac, 29, ng Brgy. Matictic sa bayang ng Norzagaray sa kasong murder sa bisa ng  alias warrant of arrest na inilabas ni Judge Grace V. Ruiz ng RTC Br. 22 sa Malolos City at walang inirekomendang piyansa sa kanyang kala­yaan. Sumunod na nasakote ng mga tauhan ni P/Supt.Ganaban Ali ang No. 5 most wanted person na si Leonard Adriano, 46, ng Brgy.Taal, Bocaue sa  kasong attempted parricide at paglabag sa R.A. 9262 na inisyu ni Judge Hermenegildo Dumlao III ng RTC Br.81 sa Malolos City.