Live-in partner tinadtad, suspek nag-suicide!
Cavite, Philippines – Dahil sa matinding pagseselos, tadtarin ng sunud-sunod na saksak ng isang lalaki ang kinakasama nito at saka siya nagpatiwakal sa pamamagitan ng pagbibigti kamakalawa sa Brgy Real 1, Bacoor City.
Nasa kritikal na kondisyon sa Our Lady Of Pillar Medical Center ang babaeng biktima na si Roselyn Roxas, 34, empleyado, ng Blk 10 Lot 5 Real Ville Brgy Real 1 ng nasabing lungsod, habang ang live-in partner nito na nagpakamatay ay nakilalang si Joel Cruz, 46, ng nasabi ring lugar.
Sa ulat ni PO3 Michael Legaspi, may hawak ng kaso, alas-9:20 ng gabi nagkaroon umano ng mainitang pagtatalo sa pagitan ng mag-live in partner dahil sa pagseselos ng lalaki. Naging madugo ang sumunod na pangyayari nang mapikon ang suspek hanggang sa kumuha ng patalim at walang sabi-sabing inundayan ng mga saksak ang biktima.
Kahit duguan ang babae, nakuha pa niyang makatakbo palabas ng kanilang bahay at humingi ng tulong sa mga kapitbahay na nagdala sa kanya sa ospital.
Naiwan ang suspek sa loob ng kanilang bahay at nagkulong sa loob ng kanilang palikuran at dito siya nagbigti.
Wala ng buhay nang matagpuan ang lalaki habang nakabitin sa CR.
- Latest
