1 Abu Sayyaf utas sa Basilan

MANILA, Philippines – Isang miyembro ng bandidong grupong Abu Sayyaf ang nasawi matapos makaengkwentro ang militart kaninang umaga sa Sumisip, Basilan.

Nasa isang combat mission ang mga tauhan ng 4th Special Forces Battalion nang makaengkwentro nila ang nasa 15 miyembro ng Abu Sayyaf bandang alas-7 ng umaga sa Barangay Kaumpamatsaken.

Tumagal ng 15 minuto ang palitan ng putok na ikinasugat din ng dalawang bandido at isang sundalo.

Tumakas ang Abu Sayyaf patungo sa kabundukan ng Barangay Kaumpamatsaken sa Sampinit Complex.