Ex-Marine itinumba

MANILA, Philippines – Napatay ang dating sundalo ng Philippine Marines matapos itong pagbabarilin ng hindi kilalang lalaki habang nanonood ng telebisyon sa bahay ng kaniyang kaibigan sa Mangga; Drive, Baliwasan sa Zamboanga City, Zamboanga del Sur kamakalawa ng hapon. Sa police report na isinumite sa Camp Crame, bumisita ang biktimang si Gilbert “Spike” Baez sa bahay ng kaibigang si Ernseto Fernandez kung saan ay halos isang oras na itong naghihintay ay hindi pa dumarating. Gayon pa man, pansamantalang iniwan ng misis si Baez sa bahay upang hanapin naman si Ernesto. Subalit ilang minuto ang nakalipas ay biglang sumulpot ang gunman saka pinagbabaril ang biktimang nakahiga sa sofa ng bahay ng kaibigan. Narekober ng pulisya sa crime scene ang mga basyo ng bala ng cal. 45 pistol habang patuloy naman ang pagsisiyasat.