Trader dinedo dahil sa kulasisi

BULACAN, Philippines – Pinaniniwalaang kulasisi ang isa sa motibo kaya pinagtulungang saksakin ng dalawang katao ang 41-anyos na trader sa Barangay Sta. Cruz, bayan ng Santa Maria, Bulacan kamakalawa ng madaling araw. Apat na saksak ang tumapos sa buhay ni Noel Pabolayan, vegetable dealer at nakatira sa nabanggit na barangay. Arestado naman ang mga suspek na sina Leomar Rebellion, 28, ng Brgy. Santa Cruz; at Rolly Dayono, 30, ng Barangay Poblacion sa nasabing bayan. Sa police report na isinumite kay P/Supt. Rodolfo Hernandez, nakilala ang mga suspek matapos marekober ang cellphone ng biktima kung saan nakasaad ang relasyon nito sa ka-live-in ni Rebellion. Sa interrogasyon kay Rebelllion, inamin nito ang pagpatay sa biktima dahil ginawang kulalasi nito ang kanyang ka-live-in.