P5-M shabu nasabat
TUGUEGARAO CITY, Cagayan, Philippines – Aabot sa P5 milyong halaga ng shabu ang nasamsam makaraang masakote ang isang lalaki sa isinagawang drug bust operation ng mga tauhan ng pulisya at Phil. Drug Enforcement Agency (PDEA) sa Barangay Libertad, bayan ng Abulug, Cagayan kahapon.
Sa ulat ni PDEA Regional Director Juvenal Azurin, nasakote ang suspek na si Francisco Torres na may-ari ng 1,000 gramo ng shabu na nakasilid sa malaking plastic bag.?
Nabatid na na-intercept ng mga awtoridad ang bus na patungo sana sa bayan ng Gonzaga, Cagayan kung saan nakatira si Torres.?
Ang pagkakasabat ng droga ay ikalawang operasyon ng pulisya at PDEA simula noong Pebrero 2015 nang mabuwag ang shabu laboratory sa bayan ng Lasam, Cagayan kung saan nakumpiska ang P3.5 bilyong halaga ng droga at nadakip ang dating alkalde at apat na iba pa.
- Latest
