Abu Sayyaf, timbog

MANILA, Philippines – Bagsak kalaboso ang isang pinaghihinalaang notoryus na kidnapper ng mga bandidong Abu Sayyaf sa operasyon ng militar at pulis­ya sa isang bar sa Isabela City, Basilan kamakalawa ng hapon.

Kinilala ang nasakoteng suspek na si Abdullah Asalin, gumagamit ng mga alyas na Abdillah at Abs. Sa ulat ng Police Regional Office (PRO) 9, dakong alas-2:20 ng hapon ng masakote ang suspek sa loob ng Castillo videoke bar sa Valderosa Street, Brgy. La Piedad, Isabela City.

Sa tala ang suspek ay sangkot sa serye ng kidnapping for ransom kabilang na ang pagdukot ng mga guro at estudyante sa Brgy. Tumahubong, Lamitan City. Basilan noong Marso 2000.