Misis binoga ng bayaw bago nag-suicide
MANILA, Philippines - Agaw-buhay ang 22-anyos na misis makaraang barilin ng kanyang bayaw bago nag-suicide sa Barangay San Miguel, bayan ng Maramag, Bukidnon kamakalawa.
Nagtamo ng tama ng bala ng cal. 45 pistol sa kaliwang bahagi ng katawan ang biktimang si Charlene Palaren na patuloy na isinasalba ng mga doktor ang buhay sa Emergency Hospital sa nasabing bayan.
Samantala, nagbaril naman sa ulo ang bayaw ni Charlene na si Rolando Escotin, 36, hiwalay sa asawa at kapwa nakatira sa nasabing barangay.
Sa police report na isinumite sa Camp Crame, nakaupo ang biktima sa harapan ng kanilang bahay nang biglang dumating ang kanyang bayaw saka isinagawa ang pamamaril.
Nagkulong naman sa silid si Rolando saka isinagawa ang kusang pagsalubong kay kamatayan.
Pinaniniwalaan namang alitan sa lupa ang isa sa motibo ng pamamaril habang patuloy ang imbestigasyon.
- Latest
