Sinaway sa pamumulutan, pumatay

TUGUEGARAO CITY , Philippines – Tinutugis ngayon ng pulisya ang isang 19-anyos na binata na kumatay sa kanyang kainuman matapos magtalo dahil sa pulutan sa Brgy. Capalutan, Allacapan, Cagayan,  kamakalawa. 
Sa ulat na natanggap ni Senior  Insp. Joefferson Gannaban, hepe ng PNP Allacapan, nag-ugat ang pagtatalo ng biktima na si Rey Aleta, 43, sa pag-ubos sa kanilang pulutan ng suspect na si Leymar Florido sa gitna ng kanilang tagayan sa bahay ng una. Bagamat kapwa lango sa alak ang dalawa, nagdilim ang paningin ng suspect na dahilan para hugutin niya ang sukbit na itak sa baywang at pinagtataga sa ulo ang katalong magsasaka na sanhi ng kanyang kamatayan. Kasalukuyan pa ring sinisiyasat ng pulisya ang nangyaring krimen.