4 tiklo sa P5.9-M shabu

SANTIAGO CITY, Isabela, Philippines – Rehas na bakal ang binagsakan ng apat-katao na sinasabing notoryus drug pusher matapos arestuhin ng mga operatiba ng pulisya kaugnay sa nakumpiskang P5.6 milyong halaga ng shabu sa inilatag na drug bust operation sa Laoag City, Ilocos Norte kamakalawa. Pormal namang kinasuhan ang mga  suspek na sina Elmer de la Cruz, 38, ng Ballesteros Cagayan; Maricris Calara,  22, ng Bulacan; Darren de la Cruz, 21; at si Jeniephin dela Cruz, kapwa nakatira sa Barangay Utol, bayan ng Bangui, Ilocos Norte. Napag-alamang nagmula sa Manila ang mga suspek na sinasabing umangkat ng bawal na droga para ipakalat sa nasabing lungsod. Sa isinagawang operasyon ng Laoag City PNP, nasakote ang mga suspek sa tinutuluyang apartment sa Barangay Trece.