Foreman kinatay ng 2 tauhan

CAVITE, Philippines – Napatay ang 43-anyos na foreman na sinasabing nangharas ng batang babae na anak ng kanyang dalawang tauhan matapos itong pagtulungang tagain kamakalawa ng hapon sa Barangay Mambog 4, Bacoor City, Cavite.

Halos magkaputul-putol ang katawan ni Alex Garcia ng Constuction Greenfield Company at nakatira sa Barangay San Agustin sa bayan ng Ibaan, Batangas.

Samantala, pinaghahanap ng pulisya ang dalawang suspek na sina Rolando “Totong” Villanueva at alyas Nonong na kapwa construction worker at nakatira sa nasabing barangay.

Sa ulat ni PO2 Alih Rimbang, kinompronta ng mga suspek ang biktima kaugnay sa ginawa nitong panghaharas sa batang babae sa loob ng subdivision.

Nauwi sa matinding sigawan ang insidente hanggang sa maganap ang pananaga.