2 holdaper bulagta sa shootout

CAVITE, Philippines – Bulagta ang dalawang di-kilalang lalaki na nangholdap sa convenience store matapos na makipagbarilan sa mga operatiba ng pulisya kamakalawa ng gabi sa Barangay Niog 3, Bacoor City, Cavite. Sa imbestigasyon ng pulisya, hinoldap ng dalawang di-kilalang lalaki ang All Day Convenience Store  kung saan tinutukan ng baril ang kahera na si Joyce Tonocante saka tinangay ang mala­king halaga na kinita ng tindahan.  Kaagad na tumakas ng dalawa na lulan ng itim na Toyota Vios na walang plaka subalit namataan naman ng mga pulis na nagroronda sa nasabing barangay. Dito na nagkahabulan kung saan sumiklab ang palitan ng putok hanggang sa mapatay ang dalawang holdaper matapos na makorner sa nasabing barangay.