2 tigok sa kuryente

LUCENA CITY, Philippines  - Da­lawa katao ang namatay matapos na makuryente sa magkahiwalay na bayan sa lalawigan ng Quezon kamakalawa.

Ayon kay QPPO Director P/S SUPT. Ronaldo Genaro Ylagan, ang unang insidente ay naganap dakong alas-9:00 ng umaga sa barangay Ilayang Pena, Pitogo, Quezon.

Tinatanggal umano ni Mark Anthony Macabuhay, 21, ang mga naputol na sanga ng puno sa kanilang bakuran nang aksidente itong mapahawak sa isang live wire at agad na makur­yente. Mabilis itong naisugod sa ospital subalit idineklarang dead-on-arri­val sa ospital.

Hindi na rin umabot ng buhay sa ospital si Delson Portin, 14 ng Sitio Amao, barangay Silangang Maicboy, Pagbilao, Quezon nang maapakan ang isang live wire ng MERALCO dakong alas-10:30 ng umaga.