P5 milyon marijuana nasabat sa bus terminal
TUGUEGARAO CITY, Philippines - Umaabot sa mahigit P5 milyon halaga ng mga pinatuyong dahon marijuana ang nasabat ng pinagsanib na operatiba ng pulisya at Philippine Drug Enforcement Agency (PDEA) mula sa isang market vendor sa isang terminal ng bus sa Magsaysay, Baguio city kamakalawa.
Kinilala ni PDEA Cordillera Director Ronald Alan Ricardo ang inarestong may-ari ng hot cargo na si Antonette Campiwer Churping na tubong Sadanga, Mountain Province.?
Ayon kay Ricardo; ang damong kargada ni Churping na may bigat na 41 kilos ay nakahalo sa nakasakong paninda nitong mga used clothes, mani at mga saging mula sa Bontoc, Mountain Province at nilalayon nitong ibenta sa mga tulak sa lungsod ng Baguio.?
Agad na kinasuhan ng mga otoridad ang naarestong suspect sa paglabag sa anti-drug abuse law at nakapiit ngayon sa Baguio city jail.
- Latest
