Kelot nagbigti dahil sa utang

TUGUEGARAO CITY, Philippines – Patung-patong na utang ang pinaniniwalaang dahilan ng isang 39-anyos na tricycle operator upang wakasan nito ang kanyang buhay sa Barangay Tamorong Primero, Candon City, Ilocos sur kamakalawa. ?

Kinilala ni Supt. Richmond Tadina, hepe ng Philippine National Police-Candon ang biktima na si Berning Pascual ng nasabing lugar.

?Ang bangkay ni Pascual na nakalambitin at lawit ang dila ay nadiskubre ng tricycle driver na si Eugene Ancheta nang kukunin sana nito ang ipinapasadang tricycle sa bahay ng biktima. ?

Sinikap isugod ni Ancheta si Pascual sa ospital subalit ito ay idineklarang dead-on-arrival. ?Ilang kamiyembro umano ng biktima sa kanilang simbahan ang napagsabihan nito sa kanyang planong pagpapakamatay dahil sa laki ng utang na kinakaharap nito.