Trike vs bike: 2 dedo, 4 grabe

TUGUEGARAO CITY, Cagayan, Philippines – Dalawa-katao ang iniulat na namatay habang apat naman ang malubhang nasugatan matapos na magsalpukan ang traysikel at motorsiklo sa kahabaan ng highway sa Barangay San Pedro, bayan ng Roxas, Isabela noong Sabado. ?

Naisugod pa sa ospital subalit idineklarang patay sina Luzviminda Gabuyo, 55, pasahero ng trike; at Kenneth John Bermise, 19, ng Barangay Barucboc sa bayan ng Quezon.  ?

Lumalabas sa imbestigasyon ng pulisya,  nag-overtake sa motorsiklo si Bermise sa isa pang sasakyan subalit sa hindi inaasahang pagkakataon ay nakasalpukan sa kabilang linya ang traysikel na minamaneho ni Dionisio Gabuyo, 25.?

Sugatan naman ang mga pasahero ng trike na sina Teofila Meate, Regine Tabor, at si Marife Tabor.

Nakaligtas naman sa tiyak na kamatayan at walang galos sa katawan ang tatlong buwang sanggol na si Bernadette Tabor.