Coordinator ng solon, itinumba

TUGUEGARAO CITY, Cagayan, Philippines – Napatay ang coordinator ng congressional district office ni Rep. Randolph Ting matapos itong pagbabarilin ng di-kilalang lalaki malapit sa himpilan ng pulisya sa bisinidad ng Magallanes Street, Tuguegarao City sa Cagayan kamakalawa ng umaga. Ayon sa utol ng solon na si Councilor Maila Ting, mayroon nang banta sa buhay ni Giyorgi Tong at pulitika ang isa sa dahilan kaya pinabulagta ang biktima. Base sa police report, lumilitaw na inihatid ng biktimang lulan ng motorsiklo ang kanyang anak sa paaralan nang ratratin ng gunmen. Narekober sa crime scene ang ilang basyo ng bala ang cal. 45 pistol habang patuloy naman ang imbestigasyon.