Binatilyo sinermunan ng tatay, nagbigti...Misis umuwing buntis; mister nag-suicide…
NORTH COTABATO, Philippines - Kusang nagpasalubong kay kamatayan ang 16-anyos na tinedyer na sinasabing sinermunan ng kanyang tatay makaraang magbigti sa kanilang bahay sa bayan ng Lambayong, Sultan Kudarat noong Biyernes ng gabi.
Sa inisyal na impormasyong ipinarating ng Lambayong PNP, natagpuang nakabitin si Jeric Lim sa kanyang kuwarto.
Bago ang insidente, pinagalitan umano ito ng kanyang tatay dahil sa hindi nasunod na utos na mailuto ang noodles.
Nabatid na ikinatwiran ng biktima na inutusan din siya ng kanyang nanay kaya nakalimutan naman ang pagluluto ng noodles.
Sinasabing dinamdam ng biktima ang sermon ng kanyang tatay kaya nagkulong sa kuwarto saka nagpasalubong kay kamatayan.
Samantala, nagpakamatay din ang 47-anyos na mister makaraang madiskubreng buntis ang kanyang misis na umuwi mula sa Kuwait kahapon ng madaling araw sa Purok Riverside, Barangay El Nonok, bayan ng Banga, South Cotabato.
Nagbigti sa tubo sa likurang bahagi sa kanyang bahay nang matagpuan ang biktimang si Arthur Gillesania.
Sinasabing naging desperado si Gillesania nang malamang umuwing buntis mula Kuwait ang kanyang misis.
- Latest
