2 holdaper patay sa shootout

CAVITE , Philippines   –Dalawa sa apat na holdaper ang bumulagta makaraang makipagbarilan sa mga operatiba ng pulisya sa isinagawang operasyon sa Barangay Bulihan, bayan ng Silang, Cavite kamakalawa ng hapon. Kinilala ni P/Supt. Gerardo Umayao ang isa sa napatay na si William Daef ng nasabing barangay. Base sa ulat, naaktuhan ng pulisya ang dalawa sa pot session sa bahay ni Ronaldo Daef ng Block 10, Lot11, Zone 3, AFP Housing sa nasabing barangay. Gayon paman, imbes na sumuko ay pinutukan ang mga operatiba ng pulisya na humantong sa bakbakan. Kinumpirma ng pulisya na ang dalawa ay sinasabing notoryus na holdaper sa na­sabing bayan.