Lolo natusta sa kubo

TUGUEGARAO CITY, Philippines- Natusta ang katawan  ng isang 60 anyos na lolong magsasaka na  lango sa alak nang  makatulog sa loob ng kaniyang kubo na natupok ng apoy sa Brgy Garita, Cabagan, Isabela kahapon ng madaling araw. ?Kinilala ng pulisya ang biktima na si Rolando Masunit na residente ng nasabing lugar. ?Lumalabas sa imbestigasyon na nakipag inuman sa kanyang bahay ang biktima at nagpasyang matulog sa kanyang kalapit na bahay kubo dala ng kanyang kalasingan.?Huli na nang mapansin ng kanyang misis na naglalagablab na sa apoy ang kubo na tinulugan ng kanyang mister dakong 2:30 ng madaling araw.? Sinisiyasat pa ng pulisya ang pinagmulan ng apoy.