Mag-ama pinatay sa palayan

MANILA, Philippines - Pinaniniwalaang alitan sa lupang sinasaka ang isa sa motibo kaya pinagbabaril hanggang sa mapatay ang mga armadong kalalakihan ang mag-amang magsasaka sa Barangay Bagong Buhay, bayan ng Alicia, Zamboanga Sibugay kamakalawa.  Kinilala ang mag-ama na sina Daud Samson, 65, biyudo; at Panagas Samson, 22, mga nakatira sa Sitio Penjaman, Barangay Lapirawan sa nabanggit na bayan.  Sa imbestigasyon, bandang alas- 10 ng umaga nang magtungo ang mag-ama sa kanilang lupa sa Sitio Lupak upang magsaka nang harangin at ratratin ng mga armadong grupo.  Iniulat naman sa mga awtoridad ni Councilor Faizal Musa ang naganap na krimen kung saan mabilis na rumesponde ang mga awtoridad. Narekober sa crime scene ang 23 basyo ng bala ng cal 5.56mm  at ilang bala ng cal 7.62mm.