Tsinoy trader itinumba ng riding-in-tandem
MANILA, Philippines - Isang negosyanteng Filipino-Chinese ang nasawi makaraang pagbabarilin ng riding-in-tandem ng mga armadong salarin sa naganap na pananambang sa highway ng Brgy. Dipole, Molave, Zamboanga del Sur kamakalawa ng hapon.
Kinilala ang biktima na si Eddie Go, 56 anyos, mayÂasawa, dead-on-the-spot sa Blancia Hospital sanhi ng mga tinamong tama ng bala ng cal. 45 pistol sa iba’t ibang bahagi ng katawan.
Sa ulat, sinabi ni Sr. Inspector Joseph Ortega, Spokesman ng Police Regional Office (PRO) 9, naganap ang insidente sa kahabaan ng highway ng Brgy. Dipole, Molave ng lalawigan bandang alas-2 ng hapon.
Ayon sa imbestigasyon, kasalukuyang lulan ang biktima ng kaniyang motorsiklo galing sa kaniyang tahanan patungong Ramon Magsaysay, Zamboanga del Sur ng sundan ng riding in tandem at pagbabarilin. Inaalam pa ng mga awtoridad ang motibo ng krimen.
- Latest
