Sekretarya ng bise alkalde utas sa sekyu

TUGUEGARAO CITY, Philippines – Karumaldumal ang sinapit na kamatayan ng isang sekretarya ng bise alkalde matapos itong brutal na paslangin ng isang pinaniniwalaang adik na sekyu sa Currimao, Ilocos Norte kamakalawa. Kinilala ni Sr. Insp Ryan Retotar, hepe ng Currimao Police ang biktima na si Nancy Cacayorin, sekretarya ni Vice Mayor Rosario Go ng Currimao samantalang ang suspek ay ang sekyu nito na si Jose Ragodo na tubong bayan ng Sta. Catalina at tatlong taon nang naninil­bihan sa mga Go. Luma­labas sa imbestigasyon na mayroon nang hidwaan ang biktima at suspek nang iniwan ng Vice Mayor ang dalawa upang magpunta ng Maynila. Sinabi ni Retotar sa PSN na lingid sa biktima ang masamang balak ng suspek na kanyang ipinagkanulo sa kanilang amo ang pagiging adik nito sa shabu.
Ayon sa report, nasaksihan ng dalawa nilang kasamahang empleyado ang ginawang pagkatay kay Cacayorin na namatay sa maraming tama ng saksak sa iba’t ibang bahagi ng katawan. Kusa naman sumuko sa mga nagrespondeng pulis ang suspect matapos ang krimen.