Drug courier nilikida

TUGUEGARAO CITY, Cagayan , Philippines   â€“ Pinabulagta ang 35-anyos na lalaki na sinasabing drug courier at nasa drug watchlist ng pulisya makaraang ratratin ng riding-in-tandem assassins sa bisinidad ng Balacang Street, Barangay Magsaysay, Tabuk City, Kalinga kamakalawa.

Hindi na umabot ng buhay sa Kalinga Provincial Hospital ang biktimang si Allan Versosa ng Barangay Laya sa nasabing lungsod.

Sa police report na nakarating kay P/Sr. Supt. Victor Wanchakan, sinabayan ng gunmen ang biktimang nagmomotorsiklo saka isinagawa ang pamamaril dakong alas-10: 30 ng umaga.

Narekober ang tatlong plastic sachet ng shabu sa utility box ng motorsiklo ni Versosa na pinaniniwalaang dadalhin sana sa kanyang parukyano.