Mister itinumba sa harap ng misis
CAMP SIMEON OLA, Legazpi City, Philippines – Brutal na kaÂmatayan ang sinapit ng isang mister na pinagbabaril ng mga nagpakilalang miyembro ng mga rebeldeng New People’s Army (NPA) sa harapan ng kanyang misis sa Brgy. San Vicente, Cawayan, Masbate kamakalawa.
Kinilala ang biktima na si Vicente Maguilan, 35 anyos, may asawa, driver ng habal-habal at residente sa lugar.
Sa ulat ng pulisya, bandang alas-8 ng gabi nang harangin ang biktima ng mga armadong rebelde habang pauwi na sa kanilang tahanan kaangkas sa motorsiklo ang misis nitong si Maricel sa nasabing lugar.
Agad na pinababa ng mga rebelde sa motorsiklo ang biktima saka pinagbabaril ng M16 rifle sa ulo at katawan na siya nitong dagliang ikinamatay.
Nabatid naman na ang biktima ay pinaghihinalaang asset ng militar na siyang motibo ng pamamaslang.
- Latest
