Oil depot clerk itinumba sa Zambo

MANILA, Philippines – Patay sa pananambang ang isang tauhan ng fuel depot sa Zamboanga City ngayong Lunes.

Nakilala ang bitimang si Joey Malaqui, 30, ng Barangay San Roque, Zamboanga City, na isang warehouse clerk ng Petron oi depot sa Lower Calarian.   

Lumabas sa imbestigasyon na sakay ng kanyang bisikleta si Malaqui papasok sa kanyang trabaho nang tambangan ng mga hindi pa nakikilalang suspek.

Bulagta si Malaqui matapos malapitang barilin ng mga suspek gami ang kalibre .45 na pistol.

Nasawi ang biktima dalawang araw lamang ang nakalilipas nang may tambangan din na negosyante sa kalapit na barangay.

Pasakay lamang ng jeep ang fish dealer na si Hussin Naama ng Lower Calarian nang tambangan ng mga hindi pa rin nakikilalang mga suspek.