2 lider ng NPA tiklo sa checkpoint
MANILA, Philippines – Timbog ang dalawang hinihinalang pinuno ng rebeldeng grupo na nanggugulo sa Bicol at Quezon province, ayon sa mga pulis.
Kinilala ng Philippine Nationa Police ang mga suspek na sina George Geluz at Silvestre Layones.
Napag-alamanang sektretarya ng Bicol Regional Party Committee (BRPC) ng Communist Party of the Philippines -New People's Army si Geluz, habang pinuno ng UrbanCom ng BRPC si Layones.
Dinakip si Geluz sa bisa ng warrant of arrest na inilabas ni Judge Arniel Dating ng Regional Trial Court Branch 64 ng Labo, Camarines Norte.
May kinakaharap na kasong Robbery in Band with Arson at Double Frustrated Murder si Geluz na naharang sa isang checkpoint sa Gumaca, Quezon.
Samanatala, nadakip naman sa hiwalay na checkpoint si Layones sa Diversion Road sa Naga City.
- Latest
