Mag-asawa tiklo sa drug bust

QUEZON, Philippines - Bumagsak sa kamay ng pulisya ang mag-asawa na sinasabing notoryus na tulak ng ipinagbabawal na droga makaraang maaresto sa isinagawang drug bust operation kahapon ng umaga sa Sitio Judith, Barangay Poblacion sa bayan ng Burdeus, Quezon. Pormal na sinampahan ng kasong paglabag sa RA 9165 ang mga suspek na sina Nepomocino Buefano, 55; at Amor Buefano, 54. Nabatid na may ilang araw na ring isinailalim sa surveillance ang mag-asawa subalit may sa palos na nakakapuslit kapag aarestuhin. Subalit bandang alas-7 ng umaga ay hindi na nakapalag ang mag-asawa nang arestuhin sa bisa ng Mauban Regional Trial Court Branch 64 sa Quezon. Nakumpiska sa mag-asawa ang 2-piraso ng plastic sachet ng shabu, P4,450 cash at drug paraphernalias.