Misis pinatay ng mister saka nag-suicide
MANILA, Philippines - Pinagbabaril at napatay ang 33-anyos na misis ng kanyang mister bago ito nag-suicide matapos ang mainitang pagtatalo kahapon ng umaga sa Barangay Tobod, bayan ng Barili, Cebu.
Sa ulat ni PO3 Dennis Jacalan ng Barili PNP na nakarating sa Camp Crame, bandang alas-7:25 ng umaga kahapon nang matagpuan ang mag-asawa na kapwa duguang nakabulagta at may tama ng bala sa kanilang ulo.
Kinilala mag-asawa na sina Marictel Georondoy, at Rodelito Georondoy, 34, magsasaka, kapwa nakatira sa nasabing barangay.
Sa inisyal na pagsisiyasat, sinabi ni PO3 Jacalan na posibleng binaril muna ni Rodelito ang kanyang misis bago ito nagbaril sa sarili.
Sa salaysay ng mga magulang ni Marictel, dakong alas-8 ng gabi kamakalawa nang kunin niya ang kaniyang mga apo dahil nag-aaway ang mag-asawa upang hindi na madamay sa sigalot.
Ayon naman sa pahaÂyag ng mga kapitbahay, nakarinig sila ng mga putok ng baril na nagmula sa bahay ng mag-asawa.
Kinabukasan ay nag-usyoso ang ilang kapitbahay at dito na nadiskubre ang krimen na kaagad na ini-report sa pulisya.
Narekober ng mga opeÂratiba ng Scene of the Crime Operatives (SOCO) sa crime scene ang cal.45 pistol at cal. 357 magnum na may magazine at dalawang bala.
- Latest
- Trending
