2 trike driver patay sa resbak
BULACAN, Philippines - – Napatay ang dalawang traysikel drayber matapos na pagbabarilin ng di-kilalang lalaki na lulan ng motorsiklo sa kahabaan ng Provincial Road sa Barangay Saluysoy, Meycauayan City, Bulacan kahapon ng umaga.
Namatay habang ginagamot sa magkahiwalay na ospital ang mga biktimang sina Reynaldo “Poklat†FerÂnandez, 36; at Mar Santos, 32, kapwa nakatira sa Barangay Saluysoy sa nasabing lungsod.
Sa imbestigasyon ni PO3 Allan Lampano, namamasada ng traysikel si Fernandez nang biglang sumulpot ang maskaradong lalaki na lulan ng motorsiklo.
Dito na sunud-sunod na pinutukan si Fernandez kung saan tinamaan naman ng ligaw na bala si Santos na nagkataon namang nasa unahang bahagi sa minamaneho nitong traysikel.
Nakaligtas naman ang dalawang menor-de-edad na anak ni Santos na nasa unahan ng traysikel.
Sa masusing imbestigasyon ng pulisya, nabatid na nasangkot sa away-trapiko si Fernandez laban sa dalawang lalaki na lulan ng motorsiklo noong nakalipas na linggo kung saan pinaniniwalaang niresbakan ito.
- Latest
