Imam todas sa clan war

NORTH COTABATO, Philippines - Napaslang ang isang Imam matapos na lusubin ng mga armadong grupo sa naganap na bakbakan ng magkalabang angkan sa Barangay Patot sa bayan ng Pigcawayan, North Cotabato kamakalawa ng hapon. Di-pa kinilala ng Mindanao Human Rights Action Center (MinHRAC) ang biktima habang agad namang inilibing ito batay sa tradisyon ng Muslim. Batay sa report, inatake ng mga armadong grupo ang nasabing lugar kung saan daan-daang residente ang nagsilikas at pansamantalang nanunuluyan sa Patoto Elementary School. Nagsimula ang bakbakan bandang alas-11 ng umaga kahapon kung saan humupa bandang alauna kahapon. Nanawagan naman ang mga residente ng tigil-putukan para makabalik na ang mga ito sa kani-kanilang tahanan. Nabatid na ang naglalabang grupo ay ang pangkat ng mga armadong lalaki at ang pamilya ng napaslang na Imam.