5-anyos totoy nalunod

MANILA, Philippines - Nilamon ng ilog ang 5-anyos na totoy makaraang ta­ngayin ng malakas na agos sa Sitio Bolicon, Barangay Turno, Dipolog City, Zamboanga del Norte kamakalawa ng hapon. Kinilala  ni PRO-9 spokesman P/Chief Inspector Ariel Huesca ang biktima na si Jirih James Tortur. Nabatid na naligo sa Dipolog River ang biktima kasama ang kalarong si Mayflor Tabiliran nang biglang bumaha  at natangay ng agos ang bata habang nakaligtas naman si Tabiliran dahil nasa pampang ito. Sa pahayag ng mga magulang ng biktima sa pulisya, hindi nagpaalam ang kanilang anak na magtutungo sa nasabing ilog. Gayon pa man, nabigo ang search and rescue team na marekober ang katawan ng bata dahil sa masyadong malakas ang agos ng tubig-baha sa nasabing ilog.