Mister pisak sa killer bus

BULACAN, Philippines - – Kalunus-lunos na kamatayan ang sinapit ng 30-anyos na lalaki makaraang sagasaan ng pampasaherong bus sa bahagi ng Barangay Burol 1st, bayan ng Balagtas, Bulacan kahapon. Halos mapisak ang katawan ng biktimang si Marlon Dela Cruz  ng Barangay Malis sa bayan ng Guiguinto. Arestado naman ang  drayber na si Efipanio Mercado, 63, ng Brgy. Poblacion sa nasabing bayan. Sa ulat ni PO2 Robert Dilag, tumatawid ang biktima sa bahagi ng McArthur Highway sa Sitio Tiwala nang salpukin ng German Espiritu Liner Inc. (TXG-127) na pag-aari ng barangay chairman sa bayan ng Bocaue. Naisugod pa sa ospital ang biktima subalit idineklarang patay.