‘Drug pusher’ inutas sa karinderya

BULACAN, Philippines – Pinaniniwalaang onsehan sa  bawal na droga ang isa sa motibo kaya pinagbabaril hanggang sa mapatay ang 30-anyos na mister ng mga di-kilalang lalaki na lulan ng motorsiklo sa pintuan ng kariderya sa Barangay Poblacion, bayan ng Pulilan, Bulacan kamakalawa ng gabi. Siyam na tama ng bala ng cal. 45 pistol ang tumapos sa buhay ni Elmer Cruz ng Barangay Santa Peregrina sa nasabing bayan. Sa ulat ng pulisya, palabas ng Tapsilogan sa bayan ang biktima nang lapitan at ratratin ng gunman. Narekober sa crime scene ang siyam na basyo ng bala, motorsiklo na walang plaka, P2,459 cash at dalawang sachet ng shabu sa bulsa ng biktima.