Trike vs bike: 3 patay

NORTH COTABATO, Philippines – Tatlo-katao ang iniulat na namatay habang isa naman ang malubhang nasugatan matapos bumangga ang motorsiklo sa kasalubong na traysikel sa Barangay Crossing Baguier, bayan ng Pigcawayan, North Cotabato kahapon ng umaga. Kabilang sa mga namatay ay sina Zainal Wahid, Watari Aliman, at si Ador Macapeges, habang kritikal naman si Guiara Omal na pawang nakatira sa Barangay Kabasalan, bayan ng Pikit, North Cotabato. Sa ulat ng pulisya, lulan ang mga biktima sa motorsiklo na walang plaka patungo sa Cotabato City nang sumalpok sa traysikel pagsapit sa nasabing lugar. Lumipad ang motorsiklo matapos sumalpok sa traysikel at binangga pa nito ang nakaparadang cargo truck.