Barangay chairman itinumba
CAMP SIMEON OLA, Legazpi City , Philippines – Pinabulagta ang 59-anyos na barangay chairman makaraang pagbabarilin ng motorcycle-riding assassins sa loob ng Rizal Barangay Hall sa bayan ng bayan ng San Fernando, Camarines Sur kamakalawa ng gabi. Dalawang tama ng bala ng baril ang tumapos sa buhay ni Chairman Roger Concepcion Atacador, dating pulis at nakatira sa nabanggit na barangay. Sa police report na nakarating kay P/Senior Supt. Ramiro Bausa, Camarines PNP director, lumilitaw na may regular session ang biktima sa mga opisyal ng barangay sa loob ng nabanggit na lugar. Gayon pa man, pumasok at pinagbabaril ng tandem ang biktima kung saan nadamay at nasugatan si Kagawad Silvestre Nopia. Pinaniniwalaang may kaugnayan ang pamamaslang sa nalalapit na barangay elections sa Oktubre 2013.
- Latest
