Trader, 2 pa dedo sa shootout
NORTH COTABATO , Philippines - Napaslang ang negosÂyanteng lalaki makaraang pagbabarilin ng tatlong kalalakihan kung saan dalawa ay napatay naman ng mga operatiba ng pulisya sa naganap na shootout sa bayan ng Libungan, North Cotabato noong Sabado ng hapon.
Napuruhan sa kaliwang panga at kanang balikat ang trader na si Makatanong Agundar habang kinilala naman ang dalawa sa tatlong napatay na gunmen na sina Klaw Akmad ng New Panay sa bayan ng Aleosan; at Abubakar Ali.
Nabatid na pinagbabaril at napatay ang biktima sa loob ng palengke kung saan mabilis na tumakas ang tatlong gunmen lulan ng motorsiklo.
Gayon pa man, hinabol ng mga operatiba ng pulisÂya sa pangunguna nina P/Insp. Osman Mascod at SPO2 Johnny Caballero kung saan napatay ang dalawang gunmen pagsapit sa bahagi ng Barangay Lawili sa bayan ng Aleosan. Narekober ng pulisya ang isang baril na hawak pa ng isa sa dalawang gunmen.
- Latest
