Drug pusher dedo sa shootout

CAVITE , Philippines   â€“ Napaslang ang 26-anyos na drug pusher habang sugatan naman ang dalawang pulisya makaraang makipagbarilan sa isinagawang drug bust operation sa bahagi ng Barangay Maliksi 3, Bacoor City, Cavite kamaka­lawa ng hapon. Kinilala ang napatay na si John Francis Almedra “Jhon hon” Hernale habang sugatan naman sina P02 Aries Gle Lachica at P01 Jorex Cuag Gutilban, kapwa nakatalaga  sa Camp Pantaleon Garcia sa Imus, Cavite. Sa ulat ni PO3 Romar Sinnung, pumalag si Hernale at naunang nagpaputok ng baril habang isinasagawa ang drug bust kaya napilitan ang pulisya na gumanti ng putok. Gayon pa man,  tinamaan ang dalawang pulis habang napatay naman si Hernale.