3 bulagta sa killer truck
CAMP VICENTE LIM, Laguna, Philippines – Tatlo-katao kabilang na ang magka-live-in ang iniulat na namatay matapos sumalpok ang kanilang motorsiklo sa trailer truck sa hangganan ng Sta. Rosa City at Biñan City sa Laguna kamakaÂlawa ng gabi.
Kinilala ni SPO3 Danny Gargano ng Sta Rosa City PNP ang magka-live-in na sina Napoleon Benbeneto ng Barangay Banay-Banay, Cabuyao, Laguna at Shanhai Fan at ang kaangkas na si Decerie Macawili, kapwa nakatira sa bayan ng General Trias, Cavite.
Base sa police report, binabagtas ng tatlo ang kahabaan ng highway patungong bayan ng Cabuyao sakay ng motorsiklo nang aksidenteng bumangga sa kasalubong na trailer truck (WES-543) pagsapit sa boundary ng dalawang nabanggit na lungsod bandang alas- 10:30 ng gabi.
Tumilapon ang mga biktima ng ilang metro ang layo hanggang sa mabangga pa uli ng hulihang bahagi ng trailer truck.
Idineklarang patay sa Mt. Sinai Hospital ang magka-live-in habang namatay naman sa Sta. Rosa Community Hospital ang driver ng motorsiklo.
Nakatakas naman ang driver ng truck na pag-aari ng Transprovider and Business Development Corporation.
Samantala, umapela naman ang mga kaanak ng biktima sa may-ari ng truck at sa mga nakakakilala sa driver na agad na isuko ito para mabigyang hustisya ang mga biktima.
- Latest
