Bike rider pisak sa trak

BULACAN, Philippines - Napisak ang katawan ng 34-anyos na bike rider matapos salpukin ang kasalubong na trailer truck sa kahabaan ng DRT Highway sa Brgy. Cutcot, bayan ng Pulilan, Bulacan kamakalawa ng gabi. Idineklarang patay sa ospital ang biktimang si Rommel Cruz ng Brgy. Caniogan sa bayan ng Calumpit habang sumuko naman sa pulisya ang driver ng trak na si Juan Caballes, 42, ng Brgy. Tangga sa Tuguegarao City, Cagayan. Sa ulat ni P03 Eduardo Mananggit, lumilitaw na nilampasan ng motorsiklo ng biktima ang tatlong sasakyan sa kahabaan ng nasabing highway subalit hindi naman naiwasan ang kasalubong na trak (RAX-798) ni Caballes. Nawasak ang motorsiklo habang tumilapon naman ng ilang metro ang biktima.