Sundalo itinumba sa lugawan
DARAGA, Albay , Philippines – Pinagsasaksak at napatay ang 26-anyos na sundalo ng Phil. Army ng kanyang nakaalitan sa isang lugawan sa Ninoy Aquino Park sa Barangay Ilawod, bayan ng Daraga, Albay kahapon ng madaling-araw.
Nasawi habang ginagamot sa Bicol Regional Training and Teaching Hospital ang biktimang si Private First Class Bryan Celso Siglos Jr. ng Bravo Company 565 Engineering Construction Battalion na nakabase sa bayan ng Pili,Camarines Sur at nakatira sa Camp Eldrige, Lalakay sa Los Baños, Laguna.
Bago maganap ang krimen ay may nakaaway ang biktima habang ito ay palabas ng kampo at patungo sa lugawan sa nasabing park.
Nabatid na habang kumakain sa lugawan ang biktima tiniyempuhan siyang lapitan at undayan ng saksak ng nakaalitan.
Dito na duguang bumuÂlagta ang biktima habang nagpulasan naman ang ibang customer na kumakain sa lugawan.
Sinamantala ng killer ang pagkakagulo bago tumakas habang patuloy naman ang imbestigasyon ng pulisya.
- Latest
