Mister inutas sa harap ng misis

CAVITE, Philippines – Bulagta ang 29-anyos na mister matapos ratratin ng di-kilalang lalaki sa harap ng kanyang misis sa kahabaan ng Aguinaldo Highway sa Barangay San Agustin 2, Dasmariñas City, Cavite kamakalawa ng gabi. Sa ulat ni PO3 Reynald Afable, nasa loob ng traysikel ang biktimang si Rex Panongalinga habang ang kanyang misis ay nasa likuran ng driver nang harangin at pagbabarilin ng di-kilalang lalaking sakay ng puting van. Hindi naman idinamay ang misis ng biktima subalit natulala sa nasaktsihang pagpatay sa kanyang mister. Narekober sa crime scene ang tatlong basyo ng baril habang patuloy naman ang imbestigasyon.