Mag-utol na trader pinabulagta

BULACAN, Philippines – Pinabulagta ang magkapatid na negos­yante matapos na pagbabarilin ng mga di-kilalang lalaki sa loob ng pag-aaring motorpool sa Barangay Turo, bayan ng Bocaue, Bulacan kamakalawa ng gabi. Bandang alas-6 ng gabi nang matagpuang nakabulagta ang mag-utol na sina Reynaldo Mimay at Robeto Mimay, kapwa 59-anyos at nakatira sa Mimay Compound sa nasabing barangay. Ayon kay PO2 Ricky Baluyot, naisugod pa sa ospital ang magkapatid subalit idineklarang patay. Narekober ng pulisya ang apat na basyo ng bala ang cal. 45 pistol habang patuloy naman ang imbestigasyon.