P 100,00 reward sa killer ng konsehal

TUGUEGARAO CITY, Philippines – Nag-alok na kahapon ng pabuyang P100,000 ang isang kandidato sa pagka-Gobernador ng lalawigan ng La Union para sa anumang impormasyon sa ikalulutas ng kasong pagpatay sa kanyang kapartido at kandidato sa pagka-konsehal na pinagbabaril sa San Fer­nando City, La Union noong Pebrero 24.

Sinabi ni ret. General Tomas Dumpit Sr. na tumatakbo sa ilalim ng National Unity Party (NUP) na wala pa ring linaw ang imbestigasyon ng pulisya sa pamamaslang sa biktimang si Danilo Nisperos Sr., Una nang niratrat at nakaligtas sa pagtatangka si Nisperos sa kanyang bahay noong 2010 subalit sinawingpalad naman ang kanyang misis. Samantalang wala pa ring nakakasuhang suspek sa nasabing kaso hanggang sa kasalukuyan.