4 batang mag-aaral nilamon ng tubig
LEGAZPI CITY, Albay, Philippines – Maagap na sinikwat ni kamatayan ang apat na batang mag-aaral makaraang malunod sa ilog sa magkahiwalay na trahedya sa mga lalawigan ng Albay at Cebu kamakalawa.
Dalawa sa batang mag-aaral na sina Lin Andrey Panganiban, 10, Grade 5; at Mark Niño Ragual, 10, Grade 4, kapwa estudyante ng Lanigay Elementary School ay nalunod habang naliligo sa Nakaskasan River sa Barangay Lanigay, Polangui, Albay.
Natagpuan ang bangkay ng dalawa dakong alas-12: 45 ng tanghali na malalim na bahagi ng nasabing ilog.
Ayon sa pulisya, sina PaÂnganiban at Ragual kasama ang ilang kaklase ay nagkayayaang maligo sa nasaÂbing ilog.
Samantala, si Wisey Lipascua, 9, Grade 3 sa Lagtang Elementary School ay nalunod naman sa ilog sa Campo 3, Talisay City, Cebu noong Linggo ng hapon.
Kasunod nito, nalunod naman ang biktimang si Julie Ann Duremon, 10, sa Borromeo Beach Resort sa Barangay Pooc, Talisay City, Cebu.
Tulad ni Lipascua na idineklarang patay matapos isugod sa ospital ay namatay din si Duremon habang isinusugod sa pagamutan, ayon kay SPO1 Mikie Espina. Freeman News Service
- Latest
