Kolehiyala hinalay ng akyat-bahay
LAGUNA, Philippines – Labis na nagÂhihinagpis ang 20-anyos na kolehiyala matapos halayin ng isa sa tatlong Akyat-Bahay Gang na nanloob sa kanilang apartment sa bayan ng Cabuyao, Laguna noong Martes ng madaling-araw.
Sa police report na nakarating kay P/Supt. Leonard Luna, hepe ng Cabuyao PNP, pinasok ng tatlong armadong kalalakihan ang apartment ng biktimang itinago sa pangalang Judy, mag-aaral sa Malayan College, ng Barangay Pulo, Cabuyao, Laguna.
Matapos makulimbat ng tatlo ang mga cellphone, DVD player, gold bracelet, silver necklace, ATM card at P10,000 cash, nagawa pa umanong balikan ng isa sa tatlo ang kolehiyala saka hinalay sa palikuran habang nakatutok ang baril.
Kabilang din sa mga napagnakawan ng tatlo ay ang mga biktimang sina Krislie San Marquez, 19, tubong Bongabong Oriental MinÂdoro; Marivic Pablorina, 23; at si Jojie Alo, 22, pawang on-the-job trainee sa Ionics Company sa Cabuyao.
Naaresto naman ang isa sa mga suspek na si Richard Republo, 32, ng Celestine Homes, Barangay Marinig, Cabuyao, Laguna matapos makilala sa rouge gallery sa police station.
Nabatid na si Republo ay may kinakaharap na kasong murder at robbery sa Maynila.
Samantala, pinaghahaÂnap na ng pulisya ang dalawang kasabwat ni Republo na ang isa ay nakilalang si Joselito Entredicho.
- Latest
