2 kawatan dedo sa shootout

NUEVA ECIJA , Philippines  – Napatay ang dalawa sa limang kalalakihan na sinasabing  miyembro ng robbery gang matapos na makipagbarilan  sa mga operatiba ng pulisya sa Barangay Tugatog sa bayan ng Bongabon, Nueva Ecija, kamakalawa ng gabi. Kinilala ang dalawa na sina Wilfredo Moga ng Barangay Sibul, Talavera; at Angelo Milano, ng Barangay Militar, Fort Magsaysay, Palayan City. Ayon kay P/Senior Supt. Walter Castillejos, Nueva Ecija PNP director, ang grupo ng armadong kalalakihan na sinasabing nanloob sa bayan ng Gabaldon ay nasabat ng pulisya pagsapit sa checkpoint. Imbes na huminto ang sinasakyang  nakaw na Nissan Frontier pickup (CRZ-844) na kulay puti ay naunang pinutukan ang mga pulis kung saan nauwi sa shootout. Narekober ng pulisya ang dalawang baril at ang tatlong motorsiklo na ginamit ng mga kawatan.