Encounter: Lider ng PAG dedo

LA TRINIDAD, Benguet , Philippines – Napaslang ang lider ng private armed group na si Geofrey Banya-ao habang sugatan naman ang kanyang utol matapos makasagupa ang mga operatiba ng pulisya sa kanilang pinagkukutaan sa liblib na bahagi ng Mt. Balaug sa bayan ng Tanudan sa Kalinga. Sugatan naman ang kapatid nitong si Alfred Banya-ao subalit nakatakas kasama ang ilang miyembro ng grupo. Lumilitaw na isisilbi sana ng special action team ng pulisya ang warrant of arrest sa lider ng grupo na sinasabing wanted sa kasong murder at frustrated murder nang manlaban at makipagbarilan, ayon kay Cordillera police director Chief Supt. Benjamin Magalong. Samantala, sugatan sa encounter si PO1 Alfie Dess Alvaro.