DENR offc’l itinumba ng tandem
BULACAN, Philippine -Hindi na maipagpapatuloy ng 43-anyos na opisyal ng Department of Environment and Natural Resources ang kanyang pakikibaka laban sa illegal logging matapos itong pagbabarilin pabulagtain ng motorcycle-riding gunmen sa bayan ng Angat, Bulacan kahapon ng umaga.
Apat na bala ng cal. 45 pistol ang tumapos sa buhay ni Rogelio Santos, miyembro ng task force vs illegal logging sa Bulacan Environment and Natural Resources at nakatira sa Barangay Baybay sa nasabing bayan.
Ayon kay P01 Euclid Ordoña, pinangangasiwaan ng biktima ang pinatatayong bahay nang lapitan ng dalawang di-kilalang lalaki na lulan ng motorsiklo.
Nagkunwaring nagtanong sa biktima ang dalawa at nang malingat ito ay biglang pinaputukan ng ilang ulit.
Naisugod pa sa Sto. Niño General Hospital sa bayan ng Bustos subalit idineklarang patay habang patuloy naman ang , imbestigasyon ng pulisya.
- Latest
