Kaingero tinodas ng baliw na misis
CAMP VICENTE LIM, Laguna – Isang kaingero ang nasawi matapos hatawin ng matigas na kahoy ng kanyang baliw na misis habang natutulog sa loob ng kanilang silid sa Siniloan, Laguna kahapon ng umaga,
Sa ulat ng Laguna Police, kinilala ang biktima na si Epifanio Francia Clavio, 45-anyos, residente ng Kilometer 10, Barangay Kapatalan, Siniloan, Laguna.
Isinuko naman sa pulisya ni Barangay Chairman Sedfrey Realeza ang suspek na si Pacita Mercado Clavio, 37-anyos at residente rin ng naturang lugar.
Batay sa imbestigasyon, bandang alas- 7 ng umaga ng maganap ang insidente sa tahanan ng mag-asawa.
Ayon sa ulat, natutulog umano ang biktima sa kanilang silid nang bigla na lamang pumasok ang suspek at walang sabi-sabing pinagpapalo ng matigas na kahoy na may 17 pulgada ang laki ang ulo ng asawa.
Natigil lamang ang paghambalos ng kahoy ng ginang nang magising ang 20-anyos na anak ng mga ito na si Mario Clavio at sinaway ang ina.
Agad na isinugod ni Mario ang ama sa Pakil Hospital subalit hindi na ito umabot ng buhay.
- Latest
- Trending
